Safha-e-waQt pe tehreer badaL jati hai

Aayat-e-hijr ki tafseer badaL jati hai

Aisa aik waQt bhi aata hy meri neend pe jab

Khwab se pehLy hi ta'beer badaL jati hai

Ab to har Lamha mera Qaid main cut jata hai

FarQ sirf itna hy zanjeer badaL jati hai

WaQt har baat ko mehfooz to kar Leta hai

Haan magr baat ki taa'seer badal jati hai

Parhta rehta hoon main hathon ki Lakeerain youn hi

Main nay suna tha k taQdeer badal jati hai.